Stefan Schlegel (*1983) è giurist. A l’Universitad da Berna è el stà assistent scientific da prof. Walter Kälin e prof. Alberto Achermann ed ha promovì il 2017 cun ina lavur davart il dretg da migraziun. Il 2015 ha Stefan Schlegel absolvì in segiurn da perscrutaziun a l’University of Toronto, 2016 fin 2018 ha el lavurà al Max-Planck-Institut per la perscrutaziun da cuminanzas multietnicas e multireligiusas  a Göttingen. Dal 2019 al 2021 è el stà pimassistent a l’Universitad da Berna. Dapi il 2021 lavura el vi d’ina abilitaziun davart il sectur da protecziun da la garanzia da la proprietad e novas furmas da proprietad che vegn promovida dal Fond naziunal svizzer. Stefan Schlegel ha studegià a l’Universitad da Turitg ed a l’Université Jean Moulin Lyon 3.

Ultra da sia activitad scientifica è Stefan Schlegel adina era stà engaschà fermamain en la societad civila. Durant ses temp sco assistent scientific è el stà commember da la gruppa da giurist:as dad Amnesty International Svizra ed è s’engaschà là oravant tut per l’intermediaziun da la valur da la Convenziun europeica dals dretgs umans. Il 2009 è el stà confundatur dal Thinktank per politica da l’exteriur «foraus» ed ha sviluppà program davart la migraziun da quella organisaziun. Il 2014 ha el gidà a fundar il moviment politic «Operation Libero» ed è adina stà en la suprastanza da quel. Cun l’entschatta da sia activitad sco directur da la ISDU è el sorti da la suprastanza. Stefan Schlegel è creschì si en la Val dal Rain da Son Gagl e viva actualmain a Berna.

Stefan Schlegel è responsabel per il sectur tematic «Democrazia e dretgs umans».

Linguas: tudestg, franzos, englais, cumpetenzas da basa en spagnol

stefan.schlegel@isdh.ch